پوری دنیا اچ 25 کروڑ 80 لکھ لوک شدید غذائی عدم تحفظ دا شکار ہن،اقوام متحدہ

اقوام متحدہ۔4مئی(اے پی پی) اقوام متحدہ آکھیے 2022 اچ 25 کروڑ 80 لکھ لوک شدید غذائی عدم تحفظ دا شکار تھئن ۔ گزریل ݙینھ جاری تھیوݨ آلی پوری دنیا اچ خوراک دے بحراناں تے اقوام متحدہ دی رپورٹ اچ آکھیا ڳئے 2022 اچ جھیڑے ، موسمیاتی تبدیلی، کورونا وائرس وبا دے اثرات اتے یوکرین تے روس دے حملے پاروں 58 ملکاں دے 25 کروڑ 80 لکھ لوکاں کوں شدید غذائی عدم تحفظ دا سامݨا کرݨا پئے ۔رپورٹ اچ آکھیا ڳئے جو صومالیہ، افغانستان، برکینا فاسو، ہیٹی، نائیجیریا، جنوبی سوڈان اتے یمن اچ لوکاں فاقے کٹیے اتے ایں دوران اموات وی تھئن ۔ رپورٹ اچ مزید آکھیا ڳئے جو 25 کروڑ 80 لکھ لوکاں کوں فوری خوراک دی ضرورت اے مسلسل چوتھے سال انہاں لوکاں دی تعداد اچ مزید ودھارا وی تھیا ۔واضح رہے جو ورلڈ فوڈ پروگرام دی نویں سربراہ ھک  چتاوݨی چاری کیتی اے جو خوراک دی امداد ݙیوݨ کیت انہاں دے ادارے دے وسائل ’خطرناک حد تئیں گھٹ تھیندے پئن ۔