اسلام آباد۔8مئی (اے پی پی سرائیکی نیوز سروس)لیہ ادبی تے ثقافتی فورم لیہ ولوں 7 مئی اچ خان کامرس کالج لیہ اچ تنظیم دے چیئرمین پروفیسر ڈاکٹر مزمل حسین دی زیرِ صدارت اہم اجلاس تھیا ۔ ایجنڈے دے مطابق “سہہ ماہی ڄال لیہ” دی باقاعدہ منظوری ݙتی ڳی اتے آپسی مشورے نال ادارتی بورڈ اتے تندیرِ مجلہ ترتیب ݙتا ڳیا جئیں کوں اکثریت رائےنال چھیکڑی شکل ݙے تے منظوری ݙتی ڳی۔ فیصلے موجب سرپرستِ اعلیٰ پروفیسر ڈاکٹر مزمل حسین،نگرانِ اعلیٰ پروفیسر ڈاکٹر گل عباس ،مُدیرِ اعلیٰ پروفیسر ڈاکٹر حمید الفت ملغانی،معاون مُدیرمیاں شمشاد حسین سرائی،ادارتی بورڈپروفیسر عطا محمد عطا،پروفیسر طاہر مسعود مہار،سید عمران علی شاہ، محترمہ نسیم فردوس، محترمہ پروفیسر صفیہ انور صفی، محترمہ مشال ملک، محترمہ فرح سُنبل،شیخ اقبال حسین دانش، سعید احمد رازی،لکھاری پروفیسر ڈاکٹر مزمل حسین، پروفیسر ڈاکٹر حمید الفت ملغانی، پروفیسر ڈاکٹر گل عباس،امان اللہ کاظم،پروفیسر طاہر مسعود مہار، پروفیسر عطا محمد عطا، میاں شمشاد حسین سرائی،سید عمران علی شاہ، محترمہ نسیم فردوس، محترمہ پروفیسر صفیہ انور صفی، محترمہ مشال ملک، محترمہ فرح سُبنل،اقبال حسین دانش، سعید احمد رازی، خادم حسین کھوکھر شامل ہن۔
اے مجلہ سہ ماہی ہوسی اتے 64 صفحیاں تے مشتمل ہوسی۔ پہلے شمارے دے سپانسر محترم عزیزخان دستی ہوسن۔ فیصلے موجب سہہ ماہی ڄال لیہ دا مرکزی دفتر میاں شمشاد حسین سرائی دا ڈیرہ ہوسی۔ سارے لکھاری اپݨے لکھت چھپوا تے ای میل کریسن۔ ایں بارے اگلی میٹنگ 15 مئی سنوار کوں خان کالج لیہ اچ تھیسی جئیں اچ سارے لکھاری شریک تھیسن۔ چھیکڑ تے پاراچنار ٹیچر دی شہادت تے افسوس کیتا ڳیا اتے ایں قتل عام دی پُر زور مذمت کیتی ڳی اتے شہیداں کیتے فاتحہ خوانی کرائی ڳی۔
