اسلام آباد۔9مئی(اے پی پی):چین دی وزارت خارجہ دے ترجمان وانگ وین بین آکھیے چین-افغانستان -پاکستان سہ فریقی تعاون دے ذریعے علاقائی استحکام کوں برقرار رکھݨ کیتے تیار ہن ۔ منڳل دے ݙینھ پریس بریفنگ اچ پنجویں چین-افغان-پاکستان سہ فریقی وزرائے خارجہ مذاکرات بارے انہاں آکھیے ترائی فریقاں دے وزرائے خارجہ چنڳی ہمسائیگی اتے سانجھے اعتماد، سیکورٹی تعاون اتے انسداد دہشت گردی، روابط، تجارت اتے سرمایہ کاری جیہے مسئلیں تے کھل تے تفصیلی ڳالھ مہاڑ کیتی تے اتفاق رائے تے پڄے ۔ ترائی ملکاں پنجویں چین-افغان-پاکستان وزرائے خارجہ مذاکرات بارے ھک مشترکہ بیان وی جاری کیتے، جیں اچ سانجھے احترام ، مشاورت اتے سانجھے فیدے دے اصولاں تے مبنی سیاست، ترقی اتے سلامتی دے ترائے وݙے شعبیں اچ تعاون کوں مزید وسعت ݙیوݨ دے عزم دا اعادہ کیتا ڳئے ۔
