اسلام آباد۔9مئی(اے پی پی) قومی اسمبلی سیکرٹریٹ دے زیرِ انتظام آئین دی گولڈن جوبلی دی مناسبت نال 10 اتے 11 مئی کوں ݙو ݙینھ وار بین الاقوامی کنونشن پارلیمنٹ ہاؤس اسلام آباد اچ منعقد تھیوݨ ویندا پئے ،بین الاقوامی کنونشن اچ معزز مہماناں دی شرکت کیتے آمد دا سلسلہ جاری اے،سعودی عرب، ایران، تاجکستان، آذربائیجان، سری لنکا، کینیا، بیلجیئم، شام اتے لبنان دے پارلیمانی وفد اسلام آباد پڄ ڳن …
آئین دی گولڈن جوبلی دی مناسبت نال ݙو ݙینھ وار بین الاقوامی کنونشن اچ شرکت کیتے وفود دی آمد جاری
اسلام آباد۔9مئی(اے پی پی) قومی اسمبلی سیکرٹریٹ دے زیرِ انتظام آئین دی گولڈن جوبلی دی مناسبت نال 10 اتے 11 مئی کوں ݙو ݙینھ وار بین الاقوامی کنونشن پارلیمنٹ ہاؤس اسلام آباد اچ منعقد تھیوݨ ویندا پئے ،بین الاقوامی کنونشن اچ معزز مہماناں دی شرکت کیتے آمد دا سلسلہ جاری اے،سعودی عرب، ایران، تاجکستان، آذربائیجان، سری لنکا، کینیا، بیلجیئم، شام اتے لبنان دے پارلیمانی وفد اسلام آباد پڄ ڳن ۔سعودی عرب دا پارلیمانی وفد چیئرمین مجلس شوریٰ ڈاکٹر عبداللہ بن محمد بن ابرھیم الشیخ دی سربراہی اچ پاکستان پڄ ڳئے ۔ ڈپٹی سپیکر قومی اسمبلی زاہد اکرم درانی اسلام آباد ایئرپورٹ تے سعودی وفد دا استقبال کیتے۔ڈپٹی سپیکر قومی اسمبلی سعودی وفد دا آئین دی گولڈن جوبلی دی مناسبت اچ بین الاقوامی کنونشن اچ شرکت تے سعودی وفد دا شکریہ ادا کیتے۔ݙوہیں رہنماواں بھرا ملکاں وچال تعلقات کوں مزید مستحکم بݨاوݨ دی خواہش دا اظہار کیتے۔پاکستان اتے سعودی عرب وچال تعلقات انتہائی اہمیت دے حامل ہن ،ایران دا پارلیمانی وفد ڈاکٹر وحید جلال زاده سربراہ قومی سلامتی اتے خارجہ پالیسی کمیشن، ایرانی پارلیمنٹ دی سربراہی اچ اسلام آباد پڄا۔رکن قومی اسمبلی سید علی موسیٰ گیلانی ایران دے پارلیمانی وفد دا استقبال کیتے۔ایران اتے پاکستان وچال تعلقات بھرپی دی مضبوط بنیاداں تے استوار ہن،علی موسیٰ گیلانی ایران دے پارلیمانی وفد دا آئین دی گولڈن جوبلی کنونشن اچ شرکت تے وفد دا خیر مقدم کیتے۔ ڈپٹی سپیکر عادل عابش دی سربراہی اچ آذربائجان دے پارلیمانی وفد دا استقبال ممبر قومی اسمبلی/ کنوینر ایس ڈی جیز رومینہ خورشید عالم کیتے۔آذربائجان اتے پاکستان وچال ݙوطرفہ تعلقات پراݨے تے دوستانہ ہن،لبنان دے پارلیمانی وفد لبنان دے ڈپٹی سپیکر قاسم ہاشم دی سربراہی اچ اسلام آباد پڄا۔لبنان دے پارلیمانی وفد دا استقبال ممبر اسمبلی قومی انجینئر صابر حسین قائم خانی اتے ممبر قومی اسمبلی محمد خان ڈاھا کیتے ۔ تاجکستان دے پارلیمانی وفد کوں ممبر قومی اسمبلی ڈاکٹر شازیہ صوبیہ اسلم سومرو اسلام آباد ایئرپورٹ تے وفد دا استقبال کیتے۔شام دا پارلیمانی وفد بین الاقوامی کنونشن اچ شرکت کیتے اسلام آباد پڄے ،ممبر قومی اسمبلی محمد خان ڈاھا اسلام آباد ایئرپورٹ تے وفد دا استقبال کیتا۔کینیا اتے سری لنکا دے پارلیمانی وفود گولڈن جوبلی دی مناسبت نال منعقدہ بین الاقوامی کنونشن اچ شرکت کیتے اسلام آباد پڄے۔قومی اسمبلی دے اعلیٰ حکام کینیا اتے سری لنکا دے پارلیمانی وفود دا اسلام آباد ایئرپورٹ تے استقبال کیتا۔
