اداریاں تے حملے اتے غلط بیانیاں تساݙی سیاست دا تعارف ہن، ایجھے مذموم اہداف اتے عزائم رکھݨ آلیاں دے ہووݨ نال کیا اساکوں دشمن دی لوڑھ اے، وزیر اعظم شہباز شریف دا ٹویٹ

اسلام آباد۔9مئی  (اے پی پی) وزیر اعظم محمد شہباز شریف عمران خان توں چار جوابی سوال پچھدیں ہوئیں آکھیا جو اداریاں تے حملے اتے غلط بیانیاں تساݙی سیاست دا تعارف ہن، ایجھے مذموم اہداف اتے عزائم رکھݨ آلیاں دے ہووݨ نال کیا اساکوں دشمن دی لوڑھ اے، اقتدار توں محروم تھیوݨ دے بعد وزیرآباد حملے توں پہلے فوج اتے انٹیلی جنس اداریاں تے کیچڑ اچھالݨ دا سلسلہ جاری اے، الزام لاوݨ دے علاوہ تساں کیڑھا قانونی رستہ اختیار کیتے، ہیلی کاپٹر حادثہ دے بعد سوشل میڈیا تے مسلح افواج دے خلاف غلیظ مہم کئیں دے آکھݨ تے چلائی، سیاسی مقاصد کیتے مذہب دا استعمال کئیں کیتے، عمران خان چاہندن جو قانونی اتے سیاسی نظام کوں درہم برہم کر ݙتا وںجے۔ سنوار کوں اپݨے ٹویٹ اچ وزیراعظم آکھیا جو میکوں کوئی شک نی جو چٹا کوڑ، غلط بیاندیاں، یوٹرنز اتے اداریاں تے حملے تساݙی سیاست دا تعارف ہن، تساݙا رویہ عدلیہ کوں اپݨی خواہشات دے حق اچ جھکݨ اتے قانون میں تے لاگو نی تھیندا سواں اے، گزریل کجھ سالیں دے ٹھوس حقائق نال جیڑھا کجھ ثابت تھیے اوندی بنیاد تے تساݙے بارے میں اپݨی ٹویٹ کیتی۔ میں جوابی سوال پچھداں توں اقتدار توں محروم تھیوݨ دے بعد ولا ولا پاکستان آرمی کوں بطور ادارہ بدنام کرݨ تساݙی سیاست دا طریقہ کار رہیے،  وزیرآباد واقعے توں وی پہلے تساں آرمی، انٹیلی جنس اداریاں اتے انہاں دے قیادت تے مسلسل کیچڑ اچھالݨ دا سلسلہ جاری نی رکھیا ہوئیا؟ ݙوجھا سوال اے جو ہر ݙینھ دھمکاوݨ، بے بنیاد الزام لاوݨ دے سوا تساں کوئی قانونی طریقہ اپنائے؟ تساں وفاقی حکومت ولوں کیتے ڳے تعاون دی پیشکش ٹھکرائی اتے قانونی کاروائی دا بائیکاٹ کیتا۔ شہباز شریف تریجھا سوال کریندیں ہوئیں پچھیا جو ہیلی کاپٹر حادثے دے بعد شہیداں اتے مسلح فوج دے خلاف سوشل میڈیا تے غلط مہم کہیں دے آکھݨ تے چلائی؟کیڑھی جماعت دے ٹرول بریگیڈ شہیداں دا مذاق اݙایا،اپݨٰ سیاسی سرگرمیاں اچ مذہبی اصطلاحات کوں کئیں متعارف کرایا، کیا تساݙے پارٹی رہنماواں مسجد نبویﷺ دے تقدس تے احترام کوں پچھوں رکھ تے تریمت وزیر سودھے سرکاری وفد دے لوکاں کوں ہراساں کرݨ اتے بدسلوکی دا نشانہ ٻݨاوݨ دی افسوسناک حرکت دی تاویلاں، دلیلاں اتے جواز نی گھڑیے؟