سینیٹ دی قائمہ کمیٹی سائنس و ٹیکنالوجی دااجلاس (کل)  تھیسی ،پاکستان حلال اتھارٹی ترمیمی ٻل 2023 تے غور کیتا ویسی

اسلام آباد۔10مئی(اے پی پی) سینیٹ دی قائمہ کمیٹی سائنس و ٹیکنالوجی دااجلاس وزارت سائنس اینڈ ٹیکنالوجی اچ تھیسی ۔ سینیٹ سیکرٹریٹ موجب اجلاس دی صدارت کمیٹی دےچیئرمین سینیٹر سردار محمد شفیق ترین کریسن ۔ اجلاس اچ پاکستان حلال اتھارٹی ترمیمی ٻل 2023 تے غور کیتا ویسی ۔ پاکستان سٹینڈرڈ کوالٹی کنٹرول اتھارٹی ترمیمی بل 2023 وی اجلاس زیر غور آسی۔ وزارت سائنس اینڈ ٹیکنالوجی دی طرفوں اجلاس دے شرکا کوں مالی سال 24-2023 کیتے سرکاری شعبہ دے ترقیاتی پروگرام دی بجٹ تجاویز تے بریفنگ ݙتی ویسی ۔ کامسیٹس یونیورسٹی دے ریکٹر دی طرفوں اجلاس کوں بریفنگ ݙتی ویسی ۔ اجلاس اچ کمیٹی دے ارکان تے وفاقی وزیر سائنس اینڈ ٹیکنالوجی تے ٻئے متعلقہ حکام شرکت کریسن ۔