سرینگر۔22مئی (اے پی پی) بھارت دے غیر قانونی زیر تسلط جموں تے کشمیر اچ مودی دی قیادت اچ بھارتی حکومت اڄ سرینگر اچ جی 20 اجلاس دے موقع تے پورے علاقے کوں ہک فوجی قلعے اچ بدل تے لوکاں کوں ہک پنجرے اچ جکڑ ڳھدے۔ کشمیرمیڈیاسروس موجب بھارتی حکام ولوں تاجر برادری کوں دھمکیاں دے باوجود سرینگر اچ تھیوݨ آلے جی 20 اجلاس دے خلاف احتجاج کیتے اڄ مکمل ہڑتال کیتی ویندی پی اے۔ بھارتی پولیس سرینگر دے علاقے لال چوک، ریذیڈنسی روڈ، بڈشا چوک، مائسمہ اتے ٻے علاقیاں دے دکانداراں کوں سݙیا اتے انہاں کوں سنوار اتے منگل کوں اپݨی دکاناں کھلی رکھݨ دی ہدایت کیتی۔ حکم نہ منݨ تے انہاں کوں سنگین نتائج دی دھمکیاں ݙتی۔ سرینگر شہر اچ مقامی لوکاں دی آونڄ تے پابندی دے باوجود ٹریفک دی آونڄ نظر نی امدی۔ قابض حکام شہر اچ لوکاں کوں گھراں اچ رہں دی ہدایت کیتی اے۔ ہڑتال دی کال کل جماعتی حریت کانفرنس ݙتی اے ٻے حریت رہنماواں اتے تنظماں ایندی حمایت کیتی اے۔ کل جماعتی حریت کانفرنس ہک بیان اچ آکھیا جو مودی حکومت سرینگر اچ جی 20 اجلاس کر تے عالمی برادری کوں انسانی حقوق دی سنگین صورتحال بارے گمراہ کرݨ اتے مقبوضہ علاقے اچ اپݨے جرائم تے پردہ پاوݨ چاہندی اے۔
