اسلام آباد۔25مئی (اے پی پی سرائیکی سروس) سرائیکی ادبی اکیڈمی ، صحرائی سوشل آرگنائزیشن اتے نیشنل کونسل آف آرٹس دی سانجھ نال سرائیکی ثقافتی پروگرام بعنوان “سرائیکی ثقافتی مردیاں ہوئیاں قدراں دا ابھار” منایا ڳیا جیندے اچ موسیقی، مشاعرہ اتے جھمر پیش کیتی ڳی۔ مختلف زباناں دے آئے ہوئے دانشوراں نینگراں نال جڑے موضوع ڳالھ کیتی۔ جڈانجو یونیورسٹیاں توں آئے نینگراں ایں موقع تے جھمر پیش کیتی۔ سرائیکی ادبی اکیڈمی دے جنرل سیکرٹری شاہد دھریجہ انہاں دا شکریہ ادا کیتا۔
