احمد پور شرقیہ ۔6 جون ( اے پی پی سرائیکی نیوز ) پاکستان پیپلز پارٹی سرائیکی وسیب پنجاب دے صدر مخدوم سید احمد محمود ڈویثرنل ڈپٹی انفارمیشن سیکرٹری رانا محمد سلیم ڈویثرن بہاولپور نال فون تے ڳالھ مہاڑ کریندے آکھئے جو مرد حر آصف علی زرداری دے پنجاب آوݨ نال پاکستان پیپلز پارٹی وچ شامل تھیوݨ آلیاں دیاں لائناں لڳ ڳئن انھاں دا آکھݨ ہا جو دہشت گردی دے خلاف جنگ اچ آپݨیاں ساریاں قربانیاں دے باوجود ملک معاشی، دہشت گردی دی زد اچ اے ۔ بلاول بھٹو وزیر خارجہ غیر ملکی طوفانی دورے کریندے ہوئے ملکی معیشت کوں تے پاکستان پیپلز پارٹی دا امیج وی لوکیں اچ چنڳا کیتا اے ہݨ پاکستان معاشی بحران توں نکل چکیا اے ۔ ہݨ اساکوں آپدے شہریاں کوں نہ صرف بیرونی جارحیت اتے داخلی تشدد پسندی توں بچاوݨاں اے جڈاں جو غریبی ، بھک، غذائی قلت، بیماری، بے روزگاری، زندگی کیتے خطر ناک کم اتے ماحولیات توں وی بچاوݨا اے ہݨ ساڈا فرض بنڑدے جو مستحکم، پائیدار ترقی دے عمل اچ سب کوں شریک کرنڑ اے تاں جو انصاف تے مبنی معیشت اچ سب کوں موزوں روزگار مل سڳے تریمتیں تے مرداں کوں آپدے ٹٻر دا پیٹ پالݨ سانگے موزوں روزگار مل سڳے اساڈی حکومت ناصرف اداریاں کوں خود مختار بنڑیسی جڈاں جو ساریاں کوں کٹھے گھن تے چلسی اتے منصفانہ طرز عمل وی اختیار کریسی جمہوری اصلاحات دا عمل کݙاہیں وی نی رکدا اے ہک مسلسل عمل اے، جیڑھا اے ڳالھ یقینی بنڑیدا اے جو حکومت اتے عوام ولوں فرائض بہتر طریقے نال سر انجام ݙے تے اساڈی پارٹی ایں عظیم مملکت کوں عوام دے درپیش سارے وسائل دے سلسلے اچ قائدانہ کر دار نبھایا ونجے بھانویں او 1973ء دے متفقہ آئین اچ پہلے جمہوری آئین دا معاملہ ہووے یا جمہوری عمل دے ذریعے عوام دا اختیار سونپݨ آئینی حکومت کیتےجہدو جہد اقتصادی خود مختیاری محنت کش مر د تے تریمتیں کیتے انصاف ، عورت کوں بااختیار بنڑاوݨ تے تلویں طبقیاں کوں سماجی تحفظ ڈیوݨ دا معاملہ ہووے ۔اساڈی جدوجہد انھاں سانڳے اے جنھاں انھاں لوکیں کیتے نا انصافی تے استحصال دا سامنڑاں کیتے محترمہ بے نظیر بھٹو دی سالگرہ لاہور اچ مناوݨ دا پروگرام ترتیب ݙے ݙتاڳیا اے پورے پاکستان توں لکھاں جیالے، کارکن اتے عوام ایندے اچ شریک تھیسن اتے اے ثابت کریسن جو پاکستان پیپلز پارٹی ملک دی سب توں وڈی جماعت اے اتے جمہوریت تے مکمل یقین رکھدی اے ۔
