دبئی۔16جون (اے پی پی) آئی سی سی مینز کرکٹ ورلڈ کپ دے کوالیفائر میچز 18 جون توں زمبابوے اچ شروع تھیسن۔انٹرنیشنل کرکٹ کونسل (آئی سی سی) موجب ویسٹ انڈیز اتے سری لنکا کوں انڄ اںج گروپس اچ شامل کیتا ڳے۔ آئی سی سی ولوں ایں سال شیڈول ورلڈکپ اچ ڄاہ ٻݨاوݨ کیتے ݙاہ ٹیماں کوالیفائر اچ آپت اچ کھیڈسن۔ سابق ورلڈ چیمپئنز ویسٹ انڈیز اتے سری لنکا دی ٹیماں وی براہ راست کوالیفائی کائنا کر سڳیاں ہن۔ شیڈول موجب ویسٹ انڈیز، زمبابوے، نیدرلینڈز، نیپال اتے یو ایس اے دی ٹیماں کوں گروپ اے ۔ سری لنکا، آئرلینڈ، سکاٹ لینڈ، اومان اتے یو اے ای گروپ بی دا حصہ ہوسن۔ کوالیفائر میچز 18 جون توں 9 جولائی تئیں زمبابوے اچ کھیڈیے ویسن۔
