اسلام آباد۔16جون (اے پی پی سرائیکی نیوز سروس) دنیا دیاں وکھو وکھ زباناں اچ خاص طور تے سرائیکی زبان دے حوالے نال خاص وصف ڈٹھا ونجے تاں اساں منہ توں جیڑھیاں آوازاں کݙھدے ہئیں بھانویں فارسی ہووے یا عربی ، انگریزی ہووے اے ٻہوں وݙیاں زباناں ہن پر انہاں اچ کجھ آوازاں دی جیڑھی محرومی اے، جینویں عربی اے اوندے اچ “پ” کائنی،”چ” کائنی اینویں ای جینویں فارسی اے اوندے اچ “ٹ” کائنی اوندے “ڈ” کائنی۔ انگریزی اچ “ت” کائنی۔ اے وݙیاں زباناں ایندے توں محروم ہن۔ پر سرائیکی زبان اچ اے ساریاں آوازاں وی موجود ہن، اتے سرائیکی دی جیڑھی مخصوص آوازاں ہن ایندے اچ ودھیکی ہن۔اے ڳالھیں جی سی یونیورسٹی دے اردو دے ایسوسی ایٹ پروفیسر ڈاکٹر طارق ہاشمی دی اے پی پی سرائیکی نیوز سروس نال گالھ مہاڑ کریندیں ہوئیں آکھی۔ انہاں آکھیا جو دنیا اچ جیڑھی لسانی نوحیت دی تحقیق تھئی اےایندے اچ اے ڳالھ وی ثابت کیتی ڳی اے جو دنیا دی جیڑھی قدیم ترین اقوام ہن جیڑھی اوازاں دے لحاظ نال ہن امیر ہن انہاں اچ سرائیکی زبان وی شامل اے۔ انہاں آکھیا جو سرائیکی زبان دا ہک خاص وصف اے ہے جو اساں جئیں ویلھے ڳالھ مہاڑ کریندوں کوئی وی لفظ اساں ٻولوں اساݙا ساہ ٻاہر نکلدے ، پر سرائیکی دے جیڑھے مخصوص الفاظ ہن جینویں،ٻ، ݙ،ڳ،ݨ اے ، اے جئیں ویلھے ادا کریسو تاں ساہ اندر ڳھنسو۔ سرائیکی زبان دے اے او وصف اے جیڑھا دنیا دی ٻی کہیں زبان اچ کائنی۔
