اسلام آباد۔14جولائی (اے پی پی سرائیکی سروس) نور ادب ادبی فاؤنڈیشن پاکستان ولوں آل پاکستان یادگار سرائیکی مشاعرہ15 جولائی چھݨ چھݨ کوں اٹھ وڄے رات بندھن میرج ہال قصبہ گجرات اچ تھیسی، مشاعرے دی صدارت سردار خادم حسین مخفی کریسن۔ مشاعرے اچ “ٻھوئیں دے ٻھاڳ” کتاب دی گنڈھ کھلائی کیتی ویسی۔ خادم حسین مخفی دی کتاب”لکھیݨاں کلام”دی پذیرائی کیتی ویسی۔ مزمان خصوصی شبیر اختر، مزمان اعزاز عبدالکریم واجب، خصوصی شرکت مصطفیٰ خادم، اتے صاحب شام صادق حسین انگڑا، شباب بلوچ، ضیاء انڄاݨ، پرنم وٹو، پروفیسر عمران میر، مختیار حسین ہوسن۔ پروگرام دے چیف آرگنائزر میاں غازی میکݨ ہوسن۔ پروگرام دے میزبان صدر جاوید باقی، نائب صدر ڈاکٹر منظور انگڑا، جنرل سیکرٹری شبیر آصف ہوسن۔
