مکہ مکرمہ ۔16جولائی (اے پی پی) یکم محرم الحرام کوں غلاف کعبہ بدلݨ کیتے تیاریاں شروع کر ݙتی ڳئی۔ سعودی خبررساں ادارے موجب شاہ عبدالعزیز کمپلیکس اچ شعبہ فنی امور دے نگران انجینئرسلطان القرشی غلاف کعبہ دی منتقلی کیتے استعمال تھیوݨ آلی بجلی دی ڳاݙیاں اتے ٻی مشینری جئیں اچ لفٹرز وغیرہ شامل ہن دا جائزہ ڳھدا۔ غلاف کعبہ کوں مسجد الحرام دے ٻاہرلے دروازے توں مطاف تئیں پڄاوݨ کیتے مخصوص راہ دا تعین وی کیتا ڳیا۔ واضح راہوے جو غلاف کعبہ تبدیلی دے سارے عمل وچال ہر ہک حصے کوں انڄ انڄ کعبہ دے اتلے حصے تے آندا ویندے جتھوں ولا انہاں کوں لہایا ویندے اتے پچھلا غلاف لہایا ویندے۔ اے عمل چار واری کیتا ویندے جݙاں تئیں نواں غلاف چڑھا نہ ݙتا ونڄے اتے پراݨا لہا ݙتا ونڄے۔
