رحیم یارخان ۔ 28 جولائی (اے پی پی) کچہ اچ پولیس نال مقابلہ اچ اشتہاری ڈاکو جانو اندھڑ اتے مشی اندھڑ سودھے چھی ڈاکو ہلاک تھی ڳئے۔ پولیس دے ترجمان موجب کچے اچ پولیس اتے ڈاکواں وچال شدید فائرنگ دا تبادلہ تھیا جتھ چار خطرناک ڈاکو ہلاک اتے ݙو زخمی تھی ڳئے۔ بعد اچ ݙوہیں زخمی ڈاکو وی ہلاک تھی ڳئے۔ ترجمان موجب اندھڑ گینگ دا سربراہ جانو اندھڑ اتے بدنام زمانہ مشی اندھڑ سمار شر کٹہ شر وی ماریے ڳئے۔ گولیاں لڳݨ پاروں خطرناک داکو شہزادہ دشتی اتے بھوری شر شدید زخمی تھی ڳئے ہن جیڑھے بعد اچ ہلاک تھی ڳئے۔ واضح راہوے جو اندھڑ گینک ݙیݙھ سال پہلے ماہی چوک اچ نو بندیاں کوں قتل کیتا ہئی۔ ملزماں تے سندھ اتے پنجاب اچ سنگین مقدمے درج ہن۔
