وزیراعظم شہباز شریف دی بیجنگ اچ طوفانی بارشاں پاروں قیمتی جاناں دے ضیان تے تعزیت

اسلام آباد۔1اگست  (اے پی پی) وزیراعظم محمد شہباز شریف  چین دے دارالحکومت بیجنگ طوفانی بارشاں پاروں قیمتی جاناں دے ضیان تے تعزیت کیتی اے۔ منگل کوں آپݨے ٹویٹ اچ انہاں آکھیا جو او پاکستان دی حکومت اتے عوام ولوں قیمتی جانی ضیان تے تعزیت کریندن۔ انہاں آکھیا جو پاکستان اتے چین پراݨے دوست اتے سانجھے دار ہن جنہاں دے ݙکھ سکھ سانجھے ہن۔ پوری پاکستان قوم ݙکھ اچ اپݨے چینی بھیݨ ٻھراواں دے رَلے اے۔