پاکستان منرلز سمٹ ’’ڈسٹ ٹو ڈویلپمنٹ ‘‘ دا افتتاحی سیشن شروع تھی ڳیا، وزیر اعظم شہباز شریف اتے آرمی چیف جنرل سید عاصم منیردی خصوصی شرکت

اسلام آباد۔1اگست  (اے پی پی) پاکستان منرلز سمٹ ’’ڈسٹ ٹو ڈویلپمنٹ ‘‘ دا افتتاحی سیشن شروع تھی ڳیا، وزیر اعظم شہباز شریف اتے آرمی چیف   جنرل سید عاصم منیردی خصوصی شرکت کریندے پئن۔ سمٹ دا پہلا ہدف ٻاہرلے ملک توں سرمایہ کاری ڳھن آوݨ اے۔ سیمینار اچ معدنیات دے شعبے دے ماہرین اتے غیر ملکی سرمایہ کاراں دی وݙی تعداد شریک اے۔ سمٹ اچ وفاقی وزیراں سودھے غیر ملکی سفارتکار اتے مختلف شعبیاں دے ماہرین وی شریک تھیندے پئن۔ سپیشل  انوسٹمنٹ فیسلی ٹیشن  کونسل دے قیام نال ترقی دا دور شروع تھی ڳئے۔ حکومت اتے آرمی چیف دی کوششاں نال پاکستان ترقی آلے پاسے ٹر پئے۔ پاکستان دی سرزمین ٻہوں دھاتی اتے غیر دھاتی خزانے اتے قدرتی وسائل نال مالا مال اے جئیں اچ کوئلہ ، سونا، تانبا، باکسائٹ ، معدنی نمک،کرومائیٹ اتے لوہے سودھے ٻئی معدنیات ہن۔  زراعت ، لائیوسٹاک ، آٓئی ٹی اتےمعدنیات دے شعبیاں اچ جدید ٹیکنالوجیز دا استعمال ودھایا ویسی۔