پاکستان اچ قیمتی معدنیات دے 6 ٹریلین ڈالر مالیت دےذخائر موجود ہن، اساݙا خواب ترقی اتے خوشحالی اے، وزیر مملکت برائے پٹرولیم مصدق ملک دا’’ڈسٹ ٹو ڈویلپمنٹ ‘‘ سمٹ توں خطاب

اسلام آباد۔1اگست  (اے پی پی) وزیرمملکت  برائے پٹرولیم مصدق ملک آکھیا جو پاکستان اچ سونا، تانبے سودھے قیمتی  معدنیات  دے  6 ٹریلین  ڈالر مالیت دےذخائر موجود ہن، ایں ویلھے دنیا دی ترائے وݙی کمپنیاں گوگل، ایپل اتے ایمیزون دی کل مالیت چھی ٹریلین ڈالر اے۔ اساں آندے کجھ سالیں اچ معدنیات دی برآمدات کوں پنج ارب ڈالر تئیں ودھاوݨ چاہندوں۔ اساں معدنیات دے شعبے اچ کم کرݨ آلی پہلے توں موجود ترائے لکھ افرادی قوت کوں ݙو گنا کرݨ چاہندوں۔ اے ڳالھیں انہاں منگل کوں ’’ڈسٹ ٹو ڈویلپمنٹ ‘‘ دے عنوان نال تھیوݨ آلے سمٹ توں خطاب کریندیں ہوئیں آکھی۔ انہاں آکھیا جو پاکستان منرل سیکٹر اتے انرجی مکس دا حوالہ ݙیندیں ہوئیں آکھیا جو اساݙا خواب ترقی اتے خوشحالی اے۔ وسائل توں فائدہ نہ چاتے اساں ترقی اچ پچھوں رہ ڳیوں۔ مصدق ملک آکھیا جو وزیراعظم محمد شہباز شریف  ملک دی عوام دی خوشحالی اتے ترقی دا وژن رکھیندن جئیں تے اساں سارے عمل کریندے پیوں۔ پاکستان اچ قیمتی  معدنیات  دے  6 ٹریلین  ڈالر مالیت دےذخائر موجود ہن، اساݙا خواب ترقی اتے خوشحالی اے۔