وزیرِ اعظم محمد شہباز شریف اتے ترکیہ دے نائب صدر دی ملاقات

کراچی۔2اگست(اے پی پی)وزیرِ اعظم محمد شہباز شریف اتے ترکیہ دے نائب صدر جودت یلماز ݙوطرفہ تعاون ودھاوݨ کیتے اقدامات جاری رکھݨ تے اتفاق کیتے۔ انہاں ݙو طرفہ تعلقات، علاقائی صورتحال اتے ٻئے باہمی دلچسپی دے امور تے الایا۔ ترکیہ دے نائب صدر نال الیندے وزیراعظم آکھیا جو پاکستان اتے ترکیہ وچال بھراواں آلے تکڑے تعلقات ہین ڄیڑھے کئی ݙھاکیاں توں ٹردے پن، ساکوں انہاں تعلقات کوں تجارتی و اقتصادی ساڄھے داری اچ بدلݨا ہوسی، پاکستان ترکیہ نال انفارمیشن ٹیکنالوجی، توانائی، غذائی تحفظ، سیاحت اتے کان کنی دے شعباں اچ رل تے کم کرݨ چاہندے۔