وزیرِ اعظم نال کراچی چیمبر آف کامرس اینڈ انڈسٹری دے وفد دی ملاقات

کراچی۔2اگست(اے پی پی)وزیرِ اعظم محمد شہباز شریف آکھیے جو ملکی معاشی مسائل دے حل کیتے کاروباری برادری دا اہم کردار اے، خصوصی سرمایہ کاری سہولت کونسل نال ملک اچ وݙے پیمانے تے بیرونی سرمایہ کاری تھیسی، کراچی دی تاجر برادری کوں سہولتاں فیوݨ، مسلے حل کرݨ ترجیح اے۔ اے ڳالھ انہاں کراچی اچ کراچی چیمبر آف کامرس اینڈ انڈسٹری دے وفد نال الیندے آکھی ڄئیں صدر طارق یوسف اتے چیف ایگزیکٹو زبیر موتی والا دی اڳواݨی اچ ملاقات کیتی۔ انہاں دے نال وفاقی وزراء سید نوید قمر، سید امین الحق، احسن اقبال، انجینئر خرم دستگیر، وزیرِ مملکت مصدق ملک، معاونین خصوصی طارق باجوہ، طارق پاشا، جہانزیب خان، گورنر سندھ کامران ٹیسوری، وزیرِاعلیٰ سندھ سید مراد علی شاہ، گورنر سٹیٹ بینک، چیئرمین ایف بی آر اتے متعلقہ اعلیٰ حکام وی موجود ہن۔ انہان تاجر برادری دے مسلے تیکے حل کرݨ دا یقین ݙویندے آکھیا جو کراچی اچ بجلی اتے گیس دی منصفانہ تقسیم  کیتے تجاویز تے عمل کیتا ویسی، ملک اچ مثبت کاروباری فضاء سانڳے اساں وݙا کم کیتے، شمسی توانئی پروگرام نال توانائی دی بچت، بیرونیس رمایہ کاری اچ مدد ملسی، خصوصی سرمایہ کاری سہولت کونسل (ایس آئی ایف سی ) ملک کیتے اہم ثابت تھیسی، سٹیٹ بینک اتے فیڈرل بورڈ آف ریونیو حکام تاجر برادری نال ہتھ ونݙیندے ہوئے رل تے کم کرن اتے مسلے حل کرن، حکومت کراچی دے تاجراں کوں ہکے مل تے بجلی ݙیوݨ کیتے حکمت عملی ٻݨیسی۔