پچھلے دور اچ ہینڈ پمپ لا تے تشہیر کیتی ڳئی، بالٹی، ڈبہ اتے کنستر دے پچھوں لُک تے عدالت ونجݨ آلے عوام نال اکھ نی ملا سڳدے، وزیراعظم 15 مہینے اچ ترقیاتی منصوبیاں دے ڄال وچھائے، معاشی بدحالی کوں معاشی استحکام اچ بدلیے۔مریم اورنگزیب

اسلام آباد۔3اگست  (اے پی پی) وفاقی وزیر اطلاعات تے نشریات مریم اورنگزیب آکھیا جو پچھلے دور اچ ہینڈ پمپ لا تے تشہیر کیتی ڳئی، بالٹی، ڈبہ اتے کنستر دے پچھوں لُک تے عدالت ونجݨ آلے عوام نال اکھ نی ملا سڳدے، وزیراعظم 15 مہینے اچ ترقیاتی منصوبیاں دے ڄال وچھائے، معاشی بدحالی کوں معاشی استحکام اچ بدلیے۔بھارہ کہو بائی پاس منصوبہ کہیں معجزے توں ڳھٹ کائنی۔ اے منصوبہ پورا تھیوݨ تے گلیات، کشمیر، مری دے لوک وزیراعظم کوں ساری عمر دعائیں ݙیسن۔ اے ڳالھیں انہاں خمیس کوں بھارہ کہو بائی پاس منصوبے دی افتتاحی تقریب توں خطاب کریندیں ہوئیں آکھی۔ تقریب اچ وزیراعظم شہباز شریف، حنیف عباسی، طارق فضل چوہدری، چیئرمین سی ڈی اے سودھے ٻے موجود ہن۔ وفاقی وزیر اطلاعات آکھیا جو 2018ء اچ اساں ملک اچ ترقی دا پندھ چھوڑ تے ڳئے ہاسے۔ ملکی معیشت 6.3 فیصد دی شرح نال ترقی کریندی پئی ہئی اتے جݙاں اساں 2022 اچ ولا اقتدار اچ آئے تاں ملک معاشی بدحالی دا شکار تھی ڳیا ہئی۔ وزیراعظم شہباز شریف ݙینھ رات محنت کر تے پاکستان دی عوام کوں ریلیف ݙتے اتے معاشی بدحالی کوں معاشی استحکام اچ بدلیے۔ انہاں آکھیا جو شہباز شریف جݙاں وزیراعلیٰ پنجاب ہن تاں انہاں پنجاب اچ سڑکاں تے ڄال وچھائے۔ ہسپتال ٻݨائے، یونیورسٹیاں ٻݨائی، جنوبی پنجاب اچ ترقیاتی منصوبے شروع کیتے۔ وفاقی وزیر اطلاعات آکھیا جو او آپݨٰی وستی بھوربھن ونجݨ کیتے ایں سڑک توں لنگھدی ہئی۔ بھارہ کہو دا رستہ ٻہوں اوکھا ہئی۔ وزیراعظم او کم کیتے جئیں تے ساری حیاتی گلیات، کشمیر، مری دے لوک انہاں کوں دعائیں ݙیندے رہسن۔