اسلام آباد۔3اگست (اے پی پی) وفاقی وزیر اطلاعات تے نشریات مریم اورنگزیب آکھیا جو صحافیاں اتے فنکاراں دی ہیلتھ انشورنس وزیراعظم شہباز شریف دا تاریخی فیصلہ اے۔ نواز شریف دور اچ ہیلتھ انشورنس کارڈ دا منڈھ رکھیا ڳیا۔ صحافیاں اتے فنکاراں کوں ہیلتھ انشورنس ݙیوݨ ایں سلسلے دی کڑی اے۔ اساں 15 مہینے دی ڳھٹ مد اچ صحافیاں دی بہبود کیتے قانون سازی کیتی۔ انہاں دے ڳھٹ توں ڳھت اجرت …
صحافیاں اتے فنکاراں دی ہیلتھ انشورنس وزیراعظم شہباز شریف دا تاریخی فیصلہ اے، وفاقی وزیر اطلاعات مریم اورنگزیب دا تقریب توں خطاب
مزید خبراں
اسلام آباد۔3اگست (اے پی پی) وفاقی وزیر اطلاعات تے نشریات مریم اورنگزیب آکھیا جو صحافیاں اتے فنکاراں دی ہیلتھ انشورنس وزیراعظم شہباز شریف دا تاریخی فیصلہ اے۔ نواز شریف دور اچ ہیلتھ انشورنس کارڈ دا منڈھ رکھیا ڳیا۔ صحافیاں اتے فنکاراں کوں ہیلتھ انشورنس ݙیوݨ ایں سلسلے دی کڑی اے۔ اساں 15 مہینے دی ڳھٹ مد اچ صحافیاں دی بہبود کیتے قانون سازی کیتی۔ انہاں دے ڳھٹ توں ڳھت اجرت کوں حکومتی بزنس نال جوڑیے، نیوز پیپرز ملازماں کوں تنخواہیں دی مد اچ 12 کروڑ روپے ریکور کر تے ݙتن۔ اے ڳالھیں انہاں خمیس کوں وزارت اطلاعات تے نشریات اتے اسٹیٹ لائف انشورنس وچال صحافیاں اتے فنکاراں دی ہیلتھ انشورنس کیتے مفاہمت دی یادداشت تے دستخط کرݨ دی تقریب توں خطاب کریندیں ہوئیں آکھی۔ تقریب اچ وزیراعظم شہباز شریف، وزیر قانون اعظم نذیر تارڑ، وزیراعظم دے کوآرڈینیٹر برائے معیشت و توانائی بلال اظہر کیانی، وفاقی سیکریٹری اطلاعات سہیل علی خان، پرنسپل انفارمیشن آفیسر مبشر حسن، چیئرمین اسٹیٹ لائف انشورنس شعیب جاوید سودھے ٻے شریک تھیے۔ وفاقی وزیر اطلاعات صحافیاں اتے فنکاراں کیتے ہیلتھ انشورنس سکیم کوں کامیاب ٻݨاوݨ کیتے وزارت اطلاعات دی پوری ٹیم دا شکریہ ادا کیتا۔
