صدر مملکت 3 ترمیمی بلاں دی منظوری ݙے ݙتی

اسلام آباد۔3اگست  (اے پی پی) صدر مملکت  3  ترمیمی بلاں دی منظوری ݙے ݙتی اے۔ ایوان صدر دے پریس ونگ موجب صدر مملکت ڈیفنس ہائوسنگ اتھارٹی  اسلام آباد (ترمیمی) بل 2023  دی منظوری ݙے ݙتی۔ بل دا مقصد ڈیفنس ہائوسنگ اتھارٹی اسلام آباد 2013 اچ ترمیم کرݨ اے۔ صدر مملکت پٹرولیم (ترمیمی) بل  2023 دی وی منظوری ݙے ݙتی۔ ایں بل دا مقصد پٹرولیم ایکٹ  1934  اچ ترمیم کرݨ اے۔ صدر عارف علوی پاکستان نرسنگ کونسل (ترمیمی) بل  2023  دی دی منظوری ݙے ݙتی اے۔ بل دا مقصد پاکستان نرسنگ کونسل ایکٹ  1973  اچ ترمیم کرݨ اے۔ صدرمملکت بلاں دی منظوری آئین دے آرٹیکل 75 دے تحت ݙتی۔