حکومت توانائی دے شعبہ دی پائیداری کیتے گردشی قرضہ مکاوݨ دا طریقہ کار طے کر ڳھدے

اسلام آباد۔4اگست(اے پی پی) حکومت توانائی دے شعبہ خاص کر گیس دے معاملے دی پائیداری کیتے گردشی قرضہ مکاوݨ دا طریقہ کار طے کر ڳھدے۔ اے فیصلہ وفاقی وزیرخزانہ ومحصولات سینیٹر محمد اسحاق ڈار دی زیرصدارت توانائی دے شعبہ اچ اصلاحات بارے اجلاس اچ کیتا ڳئے۔ اجلاس اچ وزیرمملکت پٹرولیم مصدق ملک، معاون خصوصی خزانہ طارق باجوہ،معاون خصوصی محصولات طارق محمود پاشا، سیکرٹری پٹرولیم اتے ٻئے اعلیٰ حکومتی افسران موجود ہن۔ اجلاس اچ توانائی دے شعبہ دی پائیداری کیتے گردشی قرضہ مکاوݨ دے طریقہ کار دا جائزہ ڳھدا ڳیا، ایندا بنیادی مقصد توانائی دے شعبہ کوں پائیدار ٻݨیندے ہوئے کلی معیشت دے اشاریے بہتر ٻݨاوݨ اے۔