چیئرمین تے ڈپٹی چیئرمین سینیٹ دا ہزارہ ایکسپریس دے حادثے تے افسوس

اسلام آباد۔6اگست  (اے پی پی) چیئرمین سینیٹ محمد صادق سنجرانی تے ڈپٹی چیئرمین سینیٹ مرزا محمد آفریدی کراچی توں راولپنڈی ونجݨ آلی ہزارہ ایکسپریس دے حادثے تے افسوس کیتا۔ آݙت وار کوں آپݨے ہک بیان اچ انہاں آکھیا جو حادثے پاروں تھیوݨ آلی جانی ضیان تے افسوس تھیے۔ اللہ تعالیٰ جاں بحق تھیوݨ آلیاں دی مغفرت فرماوے۔چیئرمین سینیٹ تے ڈپٹی چیئرمین سینیٹ متاثرہ ٹبراں نال ہمدردی کریندیں ہوئیں آکھیا جو امدادی کم تکھے کیتے ونڄن۔ زخمیاں کوں ساری سہولتاں ݙتی ونڄن۔