افواج پاکستان دفاع وطن کیتے قربانیاں دی لازوال داستاناں رقم کیتن، سپیکرو ڈپٹی سپیکر دا میجر محمدطفیل شہید کوں خراج عقیدت

اسلام آباد۔7اگست(اے پی پی)سپیکر قومی اسمبلی راجہ پرویز اشرف و ڈپٹی سپیکر قومی اسمبلی زاہد اکرام درانی میجر محمد طفیل شہید (نشانِ حیدر )کوں خراج عقیدت پیش کریندے ہوئیں آکھیے پاک فوج دے افسراں اتے جواناں دفاع وطن کیتے قربانیاں دی لازوال داستاناں رقم کیتن ۔ انہاں میجر طفیل شہید( نشان حیدر) دے 65 ویں ورھیݨے تے آپݨے سنھیے اچ آکھیے جو میجرمحمد طفیل شہید (نشانِ حیدر ) 1958اچ بھارت دے نال سرحد تے جھڑپ اچ جرات اتے بہادری دی لازوال داستان رقم کیتی انہاں وطن دے دفاع دی خاطر جان قربان کیتی تے شہادت دا عظیم مرتبہ پاتا ۔پوری قوم کوں میجرمحمد طفیل شہید (نشانِ حیدر) دی شجاعت و بہادری تے فخر اے۔پاک افواج دے جواناں ہمیشہ ملک دے پاسے میلی اکھ ݙیکھݨ آلیں دا جان دی پروا کیتے بغیر جرات تے بہادری نال مقابلہ کیتے پاک فوج دے نینگراں جرات تے بہادری دی بے مثال داستاناں رقم کیتن ۔پوری قوم میجرمحمد طفیل شہید کوں انہاں دی بے مثال قربانی تےسلام پیش کریندی اے ۔ ڈپٹی سپیکر آکھیے پوری قوم میجر محمد طفیل شہید ( نشان حیدر ) کوں انہاں دے 65 ویں ورھیݨے تے خراج عقیدت پیش کریندی اے تے انہاں دی بے مثال قربانی کوں تاریخ اچ ہمیشہ سنہری حروف اچ یاد رکھیا ویسی ۔  پاک افواج ملک دی سلامتی و بقا کیتےعظیم قربانیاں پیش کیتن جیں تے اساکوں فخر اے ۔