وزیراعظم محمد شہبازشریف دی طرفوں پاکستان دے 76 ویں یوم آزادی تے عوام کیتے ٹارگٹڈ  سبسڈی دے خصوصی تحفے دا باقاعدہ آغازکل تھیسی

اسلام آباد۔10اگست(اے پی پی) وزیراعظم محمد شہبازشریف دی طرفوں پاکستان دے 76 ویں یوم آزادی تے عوام کیتے ٹارگٹڈ  سبسڈی دے خصوصی تحفے دا باقاعدہ آغازکل جمعہ کوں تھیسی۔جیں دے تحت پورے ملک اچ یوٹیلیٹی سٹورز تے 5 بنیادی ضروری چیزاں گھٹ قیمت تے دستیاب ہوسن ۔ جاری تفصیل موجب وزیراعظم دی طرفوں ݙتی ونڄݨ آلی ٹارگٹڈ سبسڈی اچ اٹا   648 روپے فی10 کلو، گھیو  353 روپے فی کلو، کھنڈ 100 روپے فی کلو، جفاں جو دالاں تے چاول تے 25 روپے فی کلو دی خصوصی رعایت ݙتی ویسی ۔ ایں سبسڈی توں  بینظیر انکم سپورٹ پروگرام دے تحت رجسٹرڈ گھراݨے  جنہاں دا غربت انڈکس تے سکور آر ایم ٹی فورٹی  یاایندے توں گھٹ اے ، سبسڈی گھنݨ کیتے اہل ہن ۔ ایں سہولت  توں فیدہ چاوݨ کیتے بی آئی ایس پی دے خصوصی رجسٹریشن کائونٹریوٹیلیٹی سٹورز تے بݨائے ویندے پئن ۔