یومِ آزادی تے نامور قومی شخصیات داخصوصی پیغام

اسلام آباد۔13اگست  (اے پی پی):76ویں یومِ آزادی دے موقع  تے نامور قومی شخصیات  آپݨے خصوصی پیغام اچ آکھیے آؤ رل تے عہد کروں جو آپݨے دل نال ایں ملک دی سنڄاݨ بݨیسوں ، پاکستان ہے تاں اساں ہیسے اے اساں ساریں دا پاکستان اے ۔ آزادی دے 76 سال پورے تھیوݨ تے معروف اداکار  ہمایوں سعید، عدنان صدیقی، سماجی کارکن  چیئرمین چھیپا ویلفیئر فاؤنڈیشن رمضان چھیپا،  عالم دین مفتی منیب الرحمان،  کرکٹر مشتاق احمد اتے سابق ہاکی پلیئر اصلاح الدین قوم کوں مبارکباد ݙیندے ہوئیں آکھیے ایں دنیا اچ پاکستان ساݙی سنڄاݨ اے ، پاکستان ایجھی سرزمین اے جیں توں دنیا اچ ساݙی سنڄاݨ اے ، اے ثمر ساݙے بزرگاں دی قربانیاں دا ایں کیتے ساݙے حوصلے اچے ہن ،آزاد فضا آزاد زمین اے، جیڑھا ساݙا خواب ساݙا ورثہ اے ایں ورثے کوں اپناوݨا اے ، پاکستان ہے تاں اساں ہیسے ۔