پاکستان دے 76ویں یوم آزادی دے موقع تے پاکستان ملٹری اکیڈمی کاکول اچ شاندارآزادی پریڈ

اسلام آباد۔13اگست  (اے پی پی):پاکستان دے 76ویں یوم آزادی دے موقع  تے پاکستان ملٹری اکیڈمی کاکول اچ شاندارآزادی پریڈ دا انعقاد کیتا ویندا پئے ۔آزادی پریڈ دا اہتمام 13 تے 14اگست دی وچلی رات کیتا ویسی ،چیف آف آرمی سٹاف جنرل سید عاصم منیر آزادی پریڈ دی شاندار تقریب دے مہمان خصوصی ہوسن ۔فوج دے محکمہ تعلقات عامہ(آئی ایس پی آر) توں جاری بیان موجب پاکستان ملٹری اکیڈمی دے کیڈٹس اپݨے مخصوص انداز اچ ڈرل پیریڈ دی مہارت دا شاندار مظاہرہ پیش کریسن ۔ایں موقع تے سرزمین پاکستان اتے مادرِ وطن دے شہداء کوں خصوصی خراج تحسین پیش کیتا ویسی ۔ اے تقریب ایں حقیقت دا والہانہ اظہار ہوسی جو پاکستانی قوم ھک زندہ دل قوم اے جیڑھی آپݨی آزادی دا جشن بھرپور اتے پُرجوش انداز اچ منیندی اے ، پاکستان ہے تاں اساں ہیسے ۔