لاہور۔16اگست(اے پی پی)قومی کرکٹ ٹیم دے فاسٹ باؤلر اتے نگراں وزیراعلیٰ پنجاب دے مشیر برائے کھیل وہاب ریاض انٹرنیشنل کرکٹ توں ریٹائرمنٹ دا اعلان کر ݙتے۔ انہاں آکھیے جو ہک ناقابل یقین سفر دے بعد بین الاقوامی کرکٹ توں ریٹائر تھیوݨ دا فیصلہ کیتے، پاکستان کرکٹ بورڈ (پی سی بی)، فیملی، کوچز، دا شکریہ ادا کرینداں جنہاں میکوں ہر ڄاہ تے سپورٹ کیتے۔ وہاب ریاض آکھیے جو مینٹورز، ساتھیاں، مداحوا اتے ہر کہیں دا مشکور ہان جنہاں یݙی حوصلہ افزائی کیتی اے۔ وہاب ریاض 27 ٹیسٹ، 91 ون ڈے اتے 36 ٹی 20 انٹرنیشنل میچز اچ پاکستان دی نمائندگی کیتی اتے بالترتیب 83، 120 اتے 34 وکٹاں ڳھدن۔ وہاب ریاض ایں ویلھے پنجاب حکومت دے نگران وزیر کھیل ہین۔
