فن کوں فروغ ݙیوݨ، فنکار برادری کیتے فلاحی منصوبیاں تے توجہ ݙیسوں، جمال شاہ

اسلام آباد۔19اگست  (اے پی پی) نگراں وفاقی وزیر برائے قومی ورثہ تے ثقافت جمال شاہ آکھیا جو انہاں دی وزارت فن، ثقافت کوں عالمی میدان اچ فروغ ݙیوݨ کیتے سارے دستیاب وسائل استعمال کر تے مثالی اقدامات کریسی اتے فنکار برادری کیتے مختلف فلاحی منصوبیاں تے توجہ ݙیسی۔ انہاں پی ٹی وی نال ڳالھ مہاڑ کریندیں ہوئیں آکھیا جو اڄ کل دنیا ٹیکنالوجی دی ولھیٹ اچ اے ایں کیتے اساکوں آپݨی ثقافت نال ٹیکنالوجی کوں جوڑݨا پوسی۔ انہاں ٻئیا آکھیا جو حکومت زبان، ادب اتے ثقافت دے ودھارے کیتے محکمے دی ہر ممکن کیتے پرعزم اے۔ انہاں آکھیا جو پی این سی اے، لوک ورثہ، اکادمی ادبیات اتے ٻئے سارے متعلقہ محکمیاں دی اپ گریڈیشن وی اساݙے ترجیحی شعبیاں اچ شامل اے۔