لندن۔25اگست(اے پی پی) ایمنسٹی انٹرنیشنل (اے آئی )، ایشین فیڈریشن اگینسٹ انوالنٹری ڈس اپرینسز ، ایشین فورم فار ہیومن رائٹس اینڈ ڈویلپمنٹ ، ورلڈ الائنس فار سٹیزن پارٹی سپیشن، فرنٹ لائن ڈیفنڈرز اتے کشمیر لااینڈ جسٹس پراجیکٹ گروپ 20 تے زور ݙتے جو او بھارت دے غیر قانونی قبضے وچ جموں تے کشمیر اچ انسانی حقوق دی خلاف ورزیاں بند کراوݨ تے حقوق دے محافظاں اتے سیاسی نظربند تھیوݨ آلیں کوں چھڑاوݨ کیتے کردار نبھاون ۔کشمیر میڈیا سروس موجب ایمنسٹی انٹرنیشنل اتے ٻئیں”اے آئی“ دی ویب سائٹ تے جاری ھک سانجھے خط اچ گروپ20 دے رکن ملکاں دی توجہ بھارتی فوجیاں دی طرفوں مقبوضہ جموں و کشمیر اچ جاری انسانی حقوق دیاں خلاف ورزیاں ، انسانی حقوق دے محافظاں اتے صحافیاں دی غیر قانونی حراست تے کرائی اے ۔ خط اچ رکن ملکاں کوں الویندے ہوئیں آکھیا ڳئے جو اڄوکے سال ستمبراچ گروپ 20 دا سربراہی اجلاس تھیوݨ ویندا پئے لہذااساں تساں توں درخواست کریندوں جو تساں انسانی حقوق دے معاملات کوں بھارتی حکومت نال چاؤ۔
