اسلام آباد۔27اگست(اے پی پی) ایشیا کپ اچ شرکت کیتے قومی ٹیم ملتان پڄ ڳئی اے جتھاں ایئرپورٹ تے ٹیم دے کھلاڑیاں کوں، روایتی سرائیکی ثقافتی اڄرکاں پوایاں ڳن۔ پاکستان کرکٹ بورڈ (پی سی بی) آکھیے جو ایشیا کپ 2023 اچ شرکت کیتے قومی کرکٹ ٹیم ملتان پڄ ڳئی اے۔ نیپال دی ٹیم وی رات 8 وڄے ملتان پڄی اے۔ پاکستانی ٹیم دے ہوٹل پڄݨ تے ہوٹل انتظامیہ کھلاڑیاں دا استقبال کیتے اتے انہاں کوں روایتی اجرکاں پوائن۔ ٹیمک دے نال ہیڈ کوچ مکی آرتھر وی موجود ہین۔ ایشیا کپ دا پہلا میچ 30 اگست کوں ملتان اچ پاکستان اتے نیپال وچال تھیسی اتے قومی ٹیم ملتان کرکٹ سٹیڈیم اچ 29 اگست کوں پریکٹس کریسی۔
