نیویارک۔28اگست (اے پی پی):امریکا اچ پریڈ کمیٹی دے اہتمام نال امریکی شہر نیویارک سٹی دے علاقہ منہاٹن اچ پاکستان دے76ویں یوم آزادی تے رنگا رنگ پریڈ دا انعقاد کیتا ڳئے ۔پریڈ اچ پاکستانی نژاد امریکی شہریاں قومی پرچم چا رکھیا ہئی ۔ پریڈ اچ نیویارک سٹی دے میئر ایرک ایڈم شرکت کیتی تے پاکستانی کمیونٹی کوں یوم آزادی دی مبارخ ݙتی ۔ ایں موقع تے میئرنیویارک ایرک ایڈم یاد ݙیوایا جو 16 اگست کوں شہر دے پراݨے پارک باؤلنگ گرین اچ پاکستان دا جھنڈا لہرایا ڳیا ہئی، اے او جاہ تے جتھاں 1783 اچ برطانوی نوآبادیاتی پرچم کوں تلے لاتھا ڳیا ہئی تے امریکی پرچم کوں اُچا کیتا ڳیا ہئی ۔ پریڈ کمیٹی نیویارک سٹی دے میئرکوں یادگاری شیلڈ پیش کیتی۔ ایں موقع تے نیویارک اچ پاکستان دے قائم مقام قونصل جنرل نواب عادل علی خان مہمان خصوصی ہن ۔ پریڈ اچ پاکستانی امریکیاں پاکستان اتے امریکا دے جھنڈے چا رکھیے ہن تے پاکستان زندہ باد تے قائد اعظم زندہ باد دے نعرے لاتے ۔ ،پریڈ نیویارک پولیس ڈیپارٹمنٹ (این وائے پی ڈی) دی قیادت اچ نیویارک دی اہم شاہراہواں توں تھیندی ہوئی میڈیسن ایونیو تے مک ڳئی ،جیں دا پاکستانی امریکیاں پرتپاک خیرمقدم کیتا۔ پریڈ اچ نیویارک پولیس ڈیپارٹمنٹ اچ خدمات ݙیوݨ آلے پاکستانی نژاد امریکی اہلکاراں دے گروپ وی مارچ کیتا۔
