مظفرگڑھ۔ 28 اگست (اے پی پی) مظفرگڑھ دی تحصیل علی پور اچ دریائے ستلج اچ طغیانی آڳئی اے ، دریا زمینی کٹاؤ تکھے شروع کرݙتے ، رہائشی آبادی کوں خطرہ، انتظامیہ ہائی الرٹ، ڈی سی مظفرگڑھ دی ہدایت تے تحصیلدار محمد اقبال عباسی دی نگرانی بستی ݙڈا، نلکا اݙہ، کندرالہ دی جاہ تے فلڈ ریلیف کیمپ بݨا ݙتے ڳئن ، ریسکیو 1122،محکمہ ہیلتھ، محکمہ لائیو سٹاک دا عملہ تعینات کرݙتا ڳئے ۔ تفصیل موجب دریائے ستلج اچ پاݨی تکھے وہندا پئے جیں دریائی بیلٹ دے نال نال رہائشی علاقیں دے مکان، زرعی زمین دا کٹاؤ تکھے شروع کرݙتے تے آبادی آلے علاقے اچ خطرہ وھدا پئے ضلعی انتظامیہ ہائی الرٹ اے لوکاں کوں محفوظ جاہ تے پڄایا ویندا پئے ۔
