ملتان۔30اگست(اے پی پی)قومی کرکٹ ٹیم دے کپتان بابراعظم ون ڈے انٹرنیشنل اچ تیز ترین 19 سنچریاں ٻݨا تے نویں تاریخ ٻݨا ݙتی اے۔ انہاں ملتان اچ نیپال دے خلاف ایشیا کپ دے پہلے میچ اچ کھیݙدے ہوئے اے کارنامہ انجام ݙتے۔ انہاں 102 ون ڈے اننگز اچ 19 سنچریاں سکور ٻݨا تے جنوبی افریقہ دے ہاشم آملا دا عالمی ریکارڈ تروڑیے ڄئیں 104 اننگز اچ اے ریکارڈ ٻݨایا ہا۔ بھارت دے سابق کپتان ویرات کوہلی 124 اننگز اچ 19 سنچریاں سکور کرتے تریحجے نمبر تے ہین۔ بابراعظم ایشیا اچ ودھ سنچریاں ٻݨاوݨ آلے بھارتی سابق کپتان مہندر سنڳھ دھونی نال ݙوڄھے کپتان ہین جنہاں بطور کپتان ایشیا اچ 6,6 سنچریاں سکور کیتن۔
