واشنگٹن ۔12ستمبر(اے پی پی)امریکی محکمہ دے خارجہ ترجمان میتھیو ملرآکھیے امریکا پاکستان اچ آزادانہ انتخابات تے زور ݙیندے لیکن او کہیں سیاسی جماعت یا ھک امیدوار دی حمایت نی کریندا ۔ برطانوی خبررساں ادارے موجب اے ڳالھ انہاں محکمہ خارجہ دی معمول دی نیوز بریفنگ اچ ھک سوال دے جواب اچ آکھی اے ۔اسلام آباد اچ تعینات امریکی سفیر ڈونلڈ بلوم دی پاکستان اچ انتخابات دے نگران ادارے الیکشن کمیشن دے سربراہ نال اڄوکی ملاقات متعلق جݙاں سوال پچھیا ڳیا تاں انہاں صحافی کوں ایں حوالے نال اسلام آباد اچ امریکی سفارت خانے نال رابطہ کرݨ دا مشورہ ݙیندے ہوئیں آکھیے امید اے جو سفارت خانہ ایندا بخوشی جواب ݙیسی البتہ میتھیو ملر صحافی کوں آکھیے میکوں محسوس تھیندا پئے جو تساں کیڑھے پاسے اشارہ کریندے پیوں لیکن ایں ڳالھ دا اعادہ کریسان جو میں ٻہوں واری آکھ چکیاں جو امریکا پاکستان اچ انتخابات دے نتیجے دے حوالے نال کوئی موقف نی اپنیدا۔
