ملتان۔ 12 ستمبر (اے پی پی) چیف سیکرٹری پنجاب زاہداختر زمان آکھیا جو انڄ سیکرٹریٹ جنوبی پنجاب دی عوام دا پراݨا خواب ہئی جیڑھا ہݨ پورا تھیوݨ ویندا پئے۔ اے ڳالھیں انہاں زیرتعمیر سول سیکرٹریٹ دی عمارت دے دورہ دے موقع تے آکھی۔ انہاں سیکرٹریٹ اتے جی او آر اچ تعمیراتی معیار دا معائنہ کیتا اتے روڈ نیٹ ورک اتے لینڈ سکیپنگ پلان بارے پچھیا۔ انہاں آکھیا جو حکومت دسمبر اچ سول سیکرٹر یٹ دا افتتاح کرݨ چاہندی اے۔ منصوبے دے تعمیراتی معیار اچ کوئی کوتائی برداشت کائنا کیتی ویسی۔ انہاں سول سیکرٹریٹ دی بلڈنگ دسمبر تئیں پوری کرݨ دی ڈیڈ لائن ݙیندیں ہوئیں آکھیا جو امب جنوبی پنجاب دی سنڄاݨ اے اتے اینکوں سیکرٹریٹ اچ وی رہایا ویسی۔ ایں موقع تے ایڈیشنل چیف سیکرٹری ساوتھ پنجاب کیپٹن(ر) ثاقب ظفر آکھیا جو سول سیکرٹریٹ ملتان اچ جنوبی پنجاب دے اٹھ محکمیاں دے دفتر شفٹ کیتے ویسن۔
