جدہ ۔13ستمبر(اے پی پی) اسلامی تعاون تنظیم اچ پاکستان دے مستقل مندوب سید محمد فواد شیر جدہ اچ او آئی سی دے سیکرٹری جنرل نال ملاقات کیتی اے ۔ملاقات اچ آندے او آئی سی دے سالانہ رابطہ اجلاس اتے اسلامی سربراہی اجلاس اچ پیش کیتے ڳئے امور تے ڳالھ مہاڑ کیتی ڳئی اے ۔ ملاقات اچ جموں تے کشمیر ، فلسطین، افغانستان، قرآن پاک دی بے حرمتی دے اسلاموفوبیا دے واقعات تے وی ڳالھ مہاڑ کیتی ڳئی اے ۔سیکرٹری جنرل ایں موقع تے او آئی سی نال پاکستان دی تکڑی شمولیت اتے مسلم دنیا کوں پیش آندے چیلنج نال نبݨݨ اچ ایندی موثر شرکت دی تعریف کیتی ۔ انہاں آکھیے او آئی سی امت دے اجتماعی تشویش دے مسئلیں تے پاکستان دے تعاون کوں ٻہوں قدر دی نگاہ نال ݙیکھدی اے ۔
