لاہور۔22ستمبر (اے پی پی) قومی کرکٹ ٹیم دے چیف سلیکٹر انضمام الحق آئی سی سی مینز کرکٹ ورلڈکپ 2023 کیتے18 رکنی قومی سکواڈ دا اعلان کر ݙتے۔ بابر اعظم کپتان ، شاداب نائب کپتان رہسن۔ جمعے کوں پریس کانفرس کریندیں ہوئیں انہاں ݙسیا جو ورلڈکپ کیتے قومی اسکواڈ اچ بابراعظم (کپتان)، شاداب خان(نائب کپتان)، امام الحق، عبداللہ شفیق، فخر زمان، محمد رضوان(وکٹ کیپر بلے باز)، حارث روف، افتخار احمد، شاہین آفریدی، محمد نواز، محمد وسیم جونیئر، حسن علی، سعود شکیل، سلمان آغا، اسامہ میر جڈانجو محمد حارث، ابرار احمد اتے زمان خان کوں ریزرو کھݙاریاں اچ رکھیا ڳئے۔ انہاں آکھیا جو حسن علی کوں تجربے دی بنیاد تے سکواڈ اچ ولا رلایا ڳئے، نسیم شاہ دا نہ ہووݨ اساں کیتے ٻہوں وݙا ضیان اے پر امید اے جو او جلدی ٹیم اچ واپسی امسن۔ آئی سی سی مینز کرکٹ ورلڈ کپ 5اکتوبر توں 19نومبر تئیں بھارت اچ کھیݙیا ویسی۔
