ڈیرہ غازی خان۔ 23 ستمبر (اے پی پی) پی ڈی ایم اے جنوبی پنجاب دے ݙو ضلعیں ڈیرہ غازی خان اتے راجن پور اچ متاثرین سیلاب ریلیف پروگرام 2022ءدے حوالے نال تفصیلات جاری کرݙتن ۔ ترجمان پی ڈی ایم اے موجب ݙوہیں ضلعیں دے 99 فیصد سیلاب متاثرین کوں حکومتی بحالی پروگرام دے تحت امداد ݙے ݙتی ڳئی اے ۔ تقریبا ھک فی صد متاثرین یاانہاں دے لواحقین دی طرفوں کوئی رابطہ نی کیتا ڳیا ۔ ترجمان ݙسائے جو پنجاب حکومت دا ریلیف پروگرام 5اکتوبر 2023ءکوں مکدا پئے تے انہاں ݙوہیں ضلعیں اچ چنڳے انداز اچ متاثرین دی امداد کر ݙتی ڳئی انہاں آکھیے امداد دے دوران ݙوہیں ضلعیں دے301 متاثرہ لوکاں دا رابطہ نمبر درست کائناں ہئی 128دے شناختی کارڈ اچ غلطیاں ہن ست کیسز بائیو میٹرک تصدیق نہ تھی سڳی 47 لوک ملک توں ٻہر چلیے ڳئن 83دا انتقال تھی چکیے انہاں آکھیے 5 اکتوبر توں پہلے متاثرین اتے انہان دے لواحقین ریلیف پروگرام ختم تھیوݨ توں پہلے متعلقہ ضلعیں دی انتظامیہ نال رابطہ کرسڳدن اتے شناخت دا عمل مکمل تھیوݨ توں بعد انہاں کوں حکومتی پیکج توں فیدہ چاوݨ دا موقع مل ویی ۔ترجمان ݙسائے جو ریلیف پروگرام ختم تھیوݨ دے بعد کہیں کیس کوں قبول نہ کیتا ویسی ۔
