اسلام آباد۔28ستمبر(اے پی پی سرائیکی نیوز سروس)ڈاکٹر ممتاز بلوچ ایسوسی ایٹ پروفیسر ، سرائیکی ڈیپارٹمنٹ اسلامیہ یونیورسٹی بہاولپور اے پی پی سرائیکی نیوز سروس نال ڳالھ مہاڑ کریندے ہوئیں آکھیے سرائیکی ادب دے شعبے اچ کوئی کمی کائنی سرائیکی لوک ادب ، تہذیب تے ثقافت دی مالک تے امیر ترین زبان اے۔ انہاں اے پی پی نال گالھ مہاڑ کریندے آکھیے جو اساں وختی طور تے کوشش کیتی جو زبان دا جیڑھا معاشی پہلو اے جئیں توں اے ہک پاسے تھیندی ویندی اے اینکوں جوڑوں تے اساں اے کم شروع کیتا ۔ اساں پچھلے 20 سال دے سفر اچ سن 2000 اچ سولہویں پاس کیتی ہئی تے سن ݙوہزار اچ ہی میکوں موقع ملیا تے شعبہ سرائیکی اچ میں پڑھاوݨ شروع کیتا ۔انہاں آکھیے جو ہنڑ سرائیکی استادیں دی تعداد ودھدنڑ کار اے تے میکوں ٻہوں چنڳی طرح یاد اے میݙے جیڑھے کلاس فیلو ہن اساں اوں ویلھے صرف 14 لوک ہاسے ۔ انہاں آکھے اساکوں ݙوہزار 11 دے وچ کالجاں اچ پوسٹاں ملیاں ہن تے ہݨ جیویں ہی زبان معاش نال جڑی اے تے لوک آپݨی ثقافت تے کلچر کوں پسند کریندن۔ انہاں آکھیے پہلے کجھ لوک سرائیکی ہووݨ دے باجود وی سرائیکی ٻولݨ نہ چاہندے ہن اتے یونیورسٹی اچ ہݨ صورت حال بدل ڳئی اے۔ ایویں سرائیکی کالجاں دی سطح تے جیڑھے لیکچرز ہن او 100 توں ودھ ڳئن ہݨ اساں کنے بہترین سرائیکی بی ایس پروگرام چلدا پئے، اساں کنیں ایں ویلھے بہترین ایم فل پروگرام چلدا پئے اتے اساں کنیں بہترین پی ایچ ڈی پروگرام وی چلدا پئے ۔ انہاں آکھیے جو بی ایس اچ 43 طالب ہن ایندے توں پہلے اساں کنیں اتنی وݙی تعداد پہلے کݙاہیں نی آئی ھک سمیسٹر اچ 23 ہن تے ٻئے اچ 17 طالب ہن ۔ انہاں آکھیے ایں ویلھے میں فخر نال آہداں جو ہنڑ پی ایچ ڈی دے 32 طالب علم رجسٹرڈ ہن اساں کنے ہݨ جاہ کائنی تے لوک پورٹل تے موجود ان ۔ انہاں آکھیے جو ہݨ طالب سرائیکی ٻولݨ لکھݨ اچ فخر کریندن تے او آپݨے کلچر نال محبت کریندن، چھیکڑ اچ انہاں آکھیے جو اساݙا شعبہ تے سارے پروگرام کامیابی نال چلدے پئن اتے آندے ݙینھاں اچ اساں اینکوں بیا اڳوں ودھیسوں۔
