اسلام آباد۔29ستمبر (اے پی پی) پورے ملک وانڳوں احمد پور شرقیہ اچ وی جشن عید میلاد النبی جوش تے عقیدت نال منایا ڳیا۔ ایں بارے اسسٹنٹ کمشنر احمد پور شرقیہ اتے مفتی محسن فیضی دی قیادت اچ مرکزی جلوس کݙھیا ڳیا جیڑھا جو آپݨے مقرر تھیے راہ توں تھیندا چوک منیر شہید تے پڄیا۔ محلہ سلطان پورہ توں وی ہک جلوس مولانا مفتی مظہر قادری دی قیادت اچ پڄیا اتے مرکزی انجمن تاجران جلوس دی راہ اچ لنگر اتے ٹھڈے پاݨی دی سبیلاں دا اہتمام کیتا۔ احمد پور شرقیہ دی فضا لبیک یا رسول اللہ دے نعریاں نال گنجدی رہی۔ میڈیا کلب احمد پور شرقیہ دے عہدے داران شیخ عزیز الرحمن سید اصف بخاری حافظ محمد شفیق یاسر سلیم بھٹی جاوید احمد مغل اغا محمد سلیم اعجاز حسین مغل جان محمد چوہان غلام حسین قریشی طارق چنڑ دے علاوہ انجمن تاجران دے صدر محمد ارشد راجپوت جنرل سیکرٹری افتاب احمد خان ڈاہر اتے میونسپل کمیٹی احمد پور شرقیہ دے افسراں اتے اہلکار سید حسنین بخاری محمود ملک خرم حیات خان بھرپور انتظامات کیتے۔
