اسلام آباد۔2اکتوبر(اے پی پی سرائیکی نیوز):ترجمہ دے جڳ ݙیھاڑ دے موقع تے ادارہ فروغ قومی زبان ، قومی ورثہ ثقافت ڈویژن ولوں قومی سیمینار رکھیا ڳیا جیں دا موضوع ” اردو ترجمہ ضرورت تے اہمیت ہئی” جیندی صدارت مشہور شاعر افتخار عارف کیتی ۔قومی سیمینار دے منڈھلے کلمات ڈاکٹر راشد حمید ادا کیتے۔جیندے اچ ڳالھ مہاڑ ترکی توں آئے دانشور ڈاکٹر خلیل طوقار ، حفیظ خان، غلام علی، ڈاکٹر لبنی حفیظ ، ڈاکٹر حمیرا اشفاق ڳالھ مہاڑ کیتی ، ایندی نظامت دے فرائض ڈاکٹر غزل یعقوب انڄام ݙتے ، چھیکڑ اچ پروفیسر ڈاکٹر محمد سلیم مظہر ڈائریکٹر جنرل ادارہ فروغ قومی زبان سامعین دا شکریہ ادا کریندے ہوئیں طلبا و طالبات کوں ایں فورم تے ڳالھ مہاڑ کرݨ دی دعوت ݙتی۔
