اسلام آباد۔2اکتوبر(اے پی پی سرائیکی نیوز)ترجمہ دے جڳ ݙیھاڑ دے موقع تے ادارہ فروغ قومی زبان ، قومی ورثہ ثقافت ڈویژن ولوں قومی سیمینار دے انعقاد دے موقع تے سرائیکی دے مشہور دانشور حفیظ خان دا آکھݨ ہئی جو پہلے میں اردو اچ لکھدا ہم ول میں سرائیکی اچ ترجمہ کریندا ہم اوندے بعد میں ھک ہزار سال دی صوفی شاعری دی کتاب تے کم کیتا ول شاعری ، فکشن ، قوانین ، دا ترجمہ کیتا سرائیکی اچ عرفان جمیل ٻہوں سوہݨا ترجمہ کیتے ایں کیتے میں اکادمی ادبیات تے مقتدرہ قومی زبان دا ٻہوں شکر گزار ہاں انہاں ٻہوں کم کیتے ۔ ترجمے دے حوالے نال وݙا اہم کردار ادا کیتے۔ میں ست ملکاں دے افسانے پڑھیے تے سمجھیے ترجمہ ھک ٻئے کوں سمجھݨ واسطے ٻہوں ضروری اے ، جے انسان ݙوجھے کوں ڄاݨݨ چاہے تاں او ترجمے دے بغیر ممکن کائنی۔
