ڈیرہ غازی خان ۔ 03 اکتوبر (اے پی پی):ریجنل پولیس آفیسر کیپٹن (ر) سجاد حسن خان دی صدارت اچ موجودہ ملکی صورتحال تے سکیورٹی اقدامات ،تھریٹ الرٹس تے چیلنجز دے حوالے نال اجلاس تھیا ۔ اجلاس اچ چارے ضلعیں ڈیرہ غازی خان ،مظفر گڑھ ،راجن پور اتے لیہ دے ڈسٹرکٹ پولیس افسران ،ایس پی انوسٹی گیشن ،سی ٹی ڈی اتے سپیشل برانچ دے ڈویژنل و ڈسٹرکٹ افسراں شرکت کیتی ۔اجلاس اچ ڈسٹرکٹ پولیس افسران اپݨے ضلعیں اچ موجودہ صورتحال پاروں اہم تنصیبات، غیرملکی شہریاں، مذہبی عبادت گاہواں، جوڈیشل کمپلیکس، گرجا گھراں تے ٻئی اقلیتی عبادت گاہواں تے ضلعی سطح تے پولیس چیک پوسٹاں تے کیتے ڳئے سکیورٹی اقدامات متعلق بریفنگ ݙتی۔اجلاس اچ ریجنل پولیس آفیسر کیپٹن (ر) سجادحسن خان موجودہ حالات پاروں جملہ ڈسٹرکٹ پولیس افسران کوں احکامات جاری کیتن جو پورے ریجن اچ اہم تنصیبات، حساس جاہواں تے پولیس چیک پوسٹاں تے سکیورٹی ہائی الرٹ رکھی ونڄے۔ انہاں آکھیے ضلعی سربراہان فیلڈ اچ رہن تے روزانہ حساس جاہواں دی سیکورٹی دا جائزہ گھنن اتے سکیورٹی تے تعینات اہلکاراں کوں ہر ویلھے الرٹ رکھن کہیں وی ہنگامی صورت حال نال نبݨݨ کیتے فورس تیار رکھن۔
