اقوام متحدہ۔4اکتوبر(اے پی پی):پاکستان قانون دی حکمرانی، اقتصادی اتے پائیدار ترقی اچ رکاوٹ بݨݨ آلے بین الاقوامی منظم جرائم روکݨ سانڳے اجتماعی اقدامات دی لوڑھ اے تے زور ݙتے ۔ اقوام متحدہ اچ پاکستان دے نائب مستقل نمائندہ عامر خان سماجی، انسانی اتے ثقافتی مسئلیں نال نبݨݨ متعلق جنرل اسمبلی دی تھرڈ کمیٹی اچ آکھیے جو منظم جرائم نال مؤثر طریقے نال نبݨݨ کیتے اساکوں جامع نقطہ نظر اپناوݨا ہوسی جیڑھا جو بنیادی وجوہات نال نبݨݨ ، سماجی شمولیت ودھاوݨ تے ساریں کیتے انصاف تئیں مساوی رسائی یقینی بݨاوے ۔ جرائم روکݨ تے مجرمانہ انصاف اتے مجرمانہ مقاصد کیتے انفارمیشن اتے کمیونیکیشن ٹیکنالوجیز دے استعمال دا مقابلہ کرݨ دے حوالے نال منعقدہ بحث اچ خطاب کریندے ہوئیں انہاں آکھیے جو ماحولیاتی تبدیلی معاشرے تے آپݨے تباہ کن اثرات پاوݨ دے نال نال منظم جرائم پیشہ گروپاں کوں ناقص قانونی نظام دی وجہ توں موقع ݙیندی اے ۔
