نئی دہلی ۔4اکتوبر (اے پی پی) انٹرنیشنل کرکٹ کونسل ولوں آئی سی سی مینز ورلڈ کپ ٹورنامنٹ دا 13ویں ایڈیشن کل توں بھارت اچ شروع تھیسی۔ 2023 دے آئی سی سی مینز ورلڈ کپ اچ دنیائے کرکٹ دی 10 ٹیماں ٹائٹل کیتے ہک ݙوجھے نال کھیݙسن جیڑھا جو پنج اکتوبر کوں شروع تھیسی اتے 19 نومبر کوں مُکسی۔ میگا ایونٹ اچ شریک تھیوݨ آلی ݙاہ ٹیماں اچ میزبان بھارت ،عالمی چیمپئن انگلینڈ، پاکستان ، افغانستان، آسٹریلیا، بنگلہ دیش، نیدرلینڈز ، نیوزی لینڈ، جنوبی افریقہ اتے سری لنکاشامل ہن۔ 13ویں آئی سی سی مینز ورلڈ کپ دے میچز بھارت دی ݙاہ جہیں تے کھیڈیے ویسن جئیں اچ احمد آباد،بنگلور،چنائی،نئی دہلی،دھرم شالا،حیدرآباد،کولکتہ،لکھنئو،ممبئی اتے پونے شامل ہن۔ میگا ایونٹ دا پہلا میچ عالمی چیمپئن انگلینڈ اتے نیوزی لینڈ دی ٹیماں وچال نریندر مودی سٹیڈیم، احمد آباد اچ کھیڈیا ویسی۔
