ریاض۔9اکتوبر (اے پی پی) فلسطین اتھارٹی اسرائیلی جارحیت بند کراوݨ کیتے عرب وزرائے خارجہ دا ہنگامی اجلاس سݙݨ دی درخواست کیتی اے۔ سعودی اخبار موجب عرب لیگ دے معاون سیکرٹری جنرل حسام زکی آکھیا جو جنرل سیکرٹریٹ کوں فلسطین ولوں عرب وزرائے خارجہ دا ہنگامی اجلاس سݙݨ بارے درخواست ملی اے۔ انہاں آکھیا جو عرب لیگ جنرل سیکرٹریٹ مراکش سودھے ٻئے ملکاں نال جلدی اجلاس سݙݨ بارے مشورہ کریندا پئے۔ مراکش انہاں ݙینھ عرب لیگ سیشن دا سربراہ اے۔ کوشش اے جو اجلاس اچ ودھ توں ودھ عرب وزرا شریک تھیون۔
