ملتان۔ 12 اکتوبر(اے پی پی)ایڈیشنل چیف سیکرٹری جنوبی پنجاب کیپٹن(ر) ثاقب ظفر آکھیے پنجاب حکومت ملازمین دی رہائشی سکیم(پی جی ایس ایچ ایف ) ملتان اچ سہولتاں بارے مکیناں دی شکایتاں دا ازالہ کریسی ، اے ڳالھ انہاں پنجاب گورنمنٹ ایمپلائز ہائوسنگ سکیم دے دورے تے آکھی اے ۔سیکرٹری سروسز جنوبی پنجاب اتے گورنمنٹ سرونٹ ہائوسنگ سکیم دے پراجیکٹ ڈائریکٹر وی انہاں دے رلے ہن ۔ ایڈیشنل چیف سیکرٹری آکھیے آپݨا گھر ہر بندے دا خواب ہوندے ،سرکاری ملازمین اپݨی پوری عمر دی پونجی گورنمنٹ سرونٹ ہائوسنگ فائونڈیشن کوں جمع کرویندن ،طے شدہ معاہدے دے مطابق ریٹائرڈ ملازمین کوں بہترین رہائشی سہولتاں ݙیوݨ فائونڈیشن دی ذمہ واری اے ،جنوبی پنجاب سیکرٹریٹ مذکورہ ہائوسنگ کالونی اچ سہولتاں ݙیوݨ کیتے آپݨا کردار ادا کریسی ۔
