اقوام متحدہ۔13اکتوبر(اے پی پی):پاکستان آکھیے بھارت دے غیر قانونی قبضے اچ جموں تے کشمیر اچ تعینات 9لکھ بھارتی فوجیاں دی طرفوں انسانی حقوق دی محافظ تریمتاں دی آواز کوں منظم طریقے نال دٻایا ویندا پئے ،اقوام متحدہ انسانی حقوق دی محافظ تریمتاں دے تحفظ اتے ودھارے کوں یقینی بݨاوے تاں جو او متنازعہ علاقے اچ آپݨا جائز کم جاری رکھ سڳن۔ اقوام متحدہ اچ پاکستانی مشن دی تھرڈ سیکرٹری حدیقہ قریشی سماجی، انسانی اتے ثقافتی امور متعلق اقوام متحدہ دی جنرل اسمبلی دی تھرڈ کمیٹی اچ آکھیے جو غیر ملکی قبضے دے حالات جیویں جو بھارت دے غیر قانونی قبضے اچ جموں تے کشمیر اچ انسانی حقوق دی تریمت محافظاں کوں وݙے چیلنجز دا سامݨا اے۔ انہاں انسانی حقوق دے محافظاں دی صورت حال تے اقوام متحدہ دی خصوصی نمائندہ میری لالر نال ھک انٹرایکٹو مکالمے اچ آکھیے جو اساکوں غیر ملکی قبضے دے حالات سودھے جھیڑیں دے حالات اچ انہاں دی قابل قدرشراکت دا احترام، حمایت، عزت تے اعتراف کرݨا چاہیدے۔
